01.05.12 2:21" المايكرو خالد " المبرمج المصرى الشاب .. يضرب لنا مثلاً فى التحدى والاصرار والمثابرة ويآمل فى تحقيق هدفة كأشهر مبرمج مصرى فى مدة وجيزة !
فى تدوينة على موقع التواصل الاجتماعى فيسبوك ، ذكر المبرمج المصرى الشاب الشهير بـ " المايكرو خالد " والحاصل على عدة جوائز تشجيعية من الدولة ومن جامعة حلوان الاتى : وانا صغير كان نفسى اكون مبرمج مشهور وبعمل منتجات الناس كلها تشتغل بيها بس كانت ميولى دايما الحمايه والامن والاختراق وقولت لازم وانا عندى 16 سنه اكون مبرمج بلغه كانت قويه ساعتها وهى الفيجوال بيسك 6 وبعديها فكرت وانا عندى 17 اكون محترف دلفى يمكن ساعتها حسيت انها لغه مش مرغوبه او مش حاببها رغم انى اشتغلت بيها سنه وعملت بيها مشاريع بس كنت حاسس انها لعبه رغم انها من اقوى لغات البرمجه وفجأه لقيت نفسى برجع تانى للفيجوال بيسك بس دوت نت ( تكنولوجيا وتطوير احدث ) بس اكتشفت انى محستهاش ولقيت نفسى دخلت فى السى شارب وبقيت اللغه الاساسيه بالنسبالى وقولت وانا عندى 19 سنه لازم اكون محترفها وانهرده فاضلى شهر واحد بس وعمرى يبقى 20 سنه ؟؟؟ يمكن احترفت السى شارب كلغه برمجه اساسيه واتقنت الدلفى كلغه ثانويه بالنسبالى او بتساعدنى على تكمله مشاريعى بس اكتشفت ان الوقت اللى ضيعته فى برمجه الهاك لو كنت وظفته فى برمجه مشاريع افضل كانت الدنيا اتظبطط شويه ... على رغم انى استفدت كتير جدا من مجال الامن والحمايه وصنع جوايا ثقه بلا حدود فى انى اكون قوى فى استخدامى للتكنولوجيا ... فاضل شهر واكمل 20 سنه وكان حلمى انى لما اكمل 20 سنه اكون عامل مشاريع بتستخدمها ملايين وانى اكون صاحب اكبر شركه برمجيات فى مصر ... وللاسف اول حلم من احلامى ميتحققش رغم انى كنت فاكر انى ممكن احقق اى حلم خصوصا لو فى مجالى يمكن علشان قرات كتير عن عمالقه التكنولوجيا وعن الاب الروحى فى فكر ادارة اعمال التكنولوجيا بيل جيتس وفى مجال صناعه التكنولوجيا المخترع العظيم ستيف جوبز وشوفت انهم قدره يجعله شركتهم فى ظرف خمس سنين من اكبر الشركات فى وقتها رغم ان التكنولوجيا وقتها مكنتش من اهتمام الناس او تقدره تقوله زى دلوقتى يعنى !!!؟؟؟ .... اصدقائى لما بقعد معاهم بحس انى غبى وانى بحلم بحجات مينفعش تتحقق يعنى مثلا ابسطها لو فكرت اروح اشتغل نقاش مثلا ( خصوصا انى اشتغلتها حوالى 3 سنين ) هلاقى نفسى بكسب فى اليوم ما يعادل 40 جنيه مثلا يعنى فى اسبوع هيكون معايا 240 جنيه يعنى فى شهر هيكون معايا حوالى 1040 جنيه .. والله مبلغ لذيذ ويمكن تضرب معايا بعد شويه والاقى نفسى بمسك شغل والدنيا تكبر وافتح شركه صغيره واكبرها وفعلا حاجه حقيقيه ومضمونه ... فى اكتر من مجال لو دخلته هيبقى فى مكسب فيه ومستقبل فيه وعلى الاقل مش هيخلينى افكر فى البرمجه والتقنيه والتكنولوجيا وكل يوم اتعب نفسى واقعد اقرا فى مقالات واخبار علشان متفوتنيش حاجه واشوف الشركه ديه عملت ايه ومش عارف النظام ده تم تطوير فيه ايه والبرنامج ده نزل منه اصدار امنى ايه ( رغم انى بعشق كل ده ) .. انا مقولتش ان البرمجه والتكنولوجيا مبتكسبش بالعكس المبرمج وقته بفلوس يعنى البرنامج لما بيتعمل لشركه او غيره بيتحسب الوقت المستغرق فيه اد ايه وفكره البرنامج وقوته وهدفه ايه وبعديها بيتحسب سعره --- يعنى تقدره تقوله المبرمج بالميت بيكسب فى اليوم حوالى 800 جنيه لو عمله برنامج صغير ول حاجه مخدش يستعجب من اللى بقوله ويقول على كده اى مبرمج ممكن فى شهرين يبقى معاه عربيه ومتجوز والدنيا متظبطه معاه ... هو فعلا مكنش حد غلب بس الكلام ده بيحصل عند اليهود والغرب اكتر واحنا يمكن مبيحصلش الا لما المبرمج يكبر وينتج ويتعب عارفين ليه؟؟؟ ... علشان انا كرجل مسلم انهرده لازم مينفعش نهائى افكر اعمل انواع من البرامج ممكن تدخلى فوق ال5 الاف جنيه يوميا زى مثلا برنامج فتح المواقع الاباحيه والقنوات الاباحيه ( ده عرض اتعرض عليا زمان قبل كده ) انا مبقولش ان لازم علشان تكسب كويس يبقى تبيع مبادئك كمبرمج ولكن انا بقول ان سهل بره انك تنتج برامج وتكسب منها بسرعه اما عندنا مينفعش لان حوالى 40 فى الميه من نوعيات البرمجيات ممنوعه ليك كراجل مسلم وحوالى 30 فى الميه معندكش دعم من الحكومه كرجل مصرى وباقى النسبه تقدره تقسموها على شويه زهق وتعب من ظروفك الماديه وظروف البلد السياسيه وكلام اهلك المتكرر ليك والمعروف بجمله بتتقال لمبرمجين كتير لسه بيبتده حياتهم وعارفنها كويس وبتتقالهم من ناس كتير ومن اهلهم بالاخص ( يابنى سيب الكمبيوتر اللى واكل عقلك ده .. مش هيخليك تنفع وبعدين انت هتمثل عايز تقولى ان الكمبيوتر ده بيجيب فلوس ) والمشكله ان ناس كتير متعرفش ان الكمبيوتر ده فاتح دوله بحالها مش بيوت ناس زى ما بنقول فى مصر ... نفسى الناس تقرأ عن ايرادات الفيس بوك او بلاش الفيس بوك شوف كده اى مدونه فيها اعلانات واسأل ايرادتها كام؟؟؟ انا بقولك شوف ايرادها لانك هتلاقى مبالغ وهميه وهتستغرب جايه منين ولما هتسأل على الربح هتلاقى رغم انه يمكن يكون ربع الايرادات الا وانك هتلاقيه وهمى جدا ... الشركات المصريه بتقعد حوالى 10 سنين على الاقل علشان تكون شركه كبيره واقفه على رجليها سواء بقه شركه برمجيات او شركه مواسير سباكه ( لان كده كده الكل بيتساوى عند العرب فى الفكر مدام الفلوس موجوده ) اما بقه الشركه الاوروبيه مثلا او هنقول اللى خاصه بالغرب هتلاقى الشركه فى ظرف 3 سنين بقيت شركه راس مالها اكثر من مليون دولار وديه حقيقه فعلا .. تفتكره ليه علشان معندهمش معايير دينيه ول علشان معندهمش حلال وحرام ول علشان معندهمش عادتنا وتقاليدنا ؟؟؟؟؟؟؟ ايه الفرق بنا وبينهم ... اللى اعرفه ان لازم انهرده السنه اللى تمر عليا تطورنى فى حجات كتير جدا ولازم بدل ما فكر اكون موظف فى شركه ويبقى الموضوع خلص على كده واكمل حياتى زى اجدادى ما كانه بيعمله لازم افكر انى اكون صاحب شركه واطورها واخليها تنافس الشركات الاجنيه ... يمكن ده حلم هيخلينى اسرح بعيد جدا لحد ما قع فى يوم واقول ياريتنى كنت اشتغلت نقاش كان زمانى دلوقتى مشغل تحت ايدى ناقشين ومهندسين ديكور شغالين فى فنادق وقرى سياحيه وده اللى حاسس بيه خصوصا انى حاسس انى هفشل فى دراستى لانى زى ما كتير عارفين مش عايزها ومش حابب اكون فيها وبحاول اعدى منها ولما هعدى منها هحس ان مفيش تغيير لان فى الاخر هاخد شهاده ومش هشتغل بيها مش علشان مش هلاقى شغل لا علشان انا اصلا مش حابب اشتغل فى مجال دراستى .... ياريت اللى فكر انه يكون فى ظرف 5 سنين موظف بياخد 3 او 4 الاف جنيه لا ياريت يفكر انه فى ظرف خمس سنين يكون عنده شركه خاصه بيه وراس مالها مليون جنيه والله العظيم اكيد البلد ديه هتمشى ولونى مش مقتنع باللى بقوله بس هو الكلام بفلوس يعنى ...
فى تدوينة على موقع التواصل الاجتماعى فيسبوك ، ذكر المبرمج المصرى الشاب الشهير بـ " المايكرو خالد " والحاصل على عدة جوائز تشجيعية من الدولة ومن جامعة حلوان الاتى : وانا صغير كان نفسى اكون مبرمج مشهور وبعمل منتجات الناس كلها تشتغل بيها بس كانت ميولى دايما الحمايه والامن والاختراق وقولت لازم وانا عندى 16 سنه اكون مبرمج بلغه كانت قويه ساعتها وهى الفيجوال بيسك 6 وبعديها فكرت وانا عندى 17 اكون محترف دلفى يمكن ساعتها حسيت انها لغه مش مرغوبه او مش حاببها رغم انى اشتغلت بيها سنه وعملت بيها مشاريع بس كنت حاسس انها لعبه رغم انها من اقوى لغات البرمجه وفجأه لقيت نفسى برجع تانى للفيجوال بيسك بس دوت نت ( تكنولوجيا وتطوير احدث ) بس اكتشفت انى محستهاش ولقيت نفسى دخلت فى السى شارب وبقيت اللغه الاساسيه بالنسبالى وقولت وانا عندى 19 سنه لازم اكون محترفها وانهرده فاضلى شهر واحد بس وعمرى يبقى 20 سنه ؟؟؟ يمكن احترفت السى شارب كلغه برمجه اساسيه واتقنت الدلفى كلغه ثانويه بالنسبالى او بتساعدنى على تكمله مشاريعى بس اكتشفت ان الوقت اللى ضيعته فى برمجه الهاك لو كنت وظفته فى برمجه مشاريع افضل كانت الدنيا اتظبطط شويه ... على رغم انى استفدت كتير جدا من مجال الامن والحمايه وصنع جوايا ثقه بلا حدود فى انى اكون قوى فى استخدامى للتكنولوجيا ... فاضل شهر واكمل 20 سنه وكان حلمى انى لما اكمل 20 سنه اكون عامل مشاريع بتستخدمها ملايين وانى اكون صاحب اكبر شركه برمجيات فى مصر ... وللاسف اول حلم من احلامى ميتحققش رغم انى كنت فاكر انى ممكن احقق اى حلم خصوصا لو فى مجالى يمكن علشان قرات كتير عن عمالقه التكنولوجيا وعن الاب الروحى فى فكر ادارة اعمال التكنولوجيا بيل جيتس وفى مجال صناعه التكنولوجيا المخترع العظيم ستيف جوبز وشوفت انهم قدره يجعله شركتهم فى ظرف خمس سنين من اكبر الشركات فى وقتها رغم ان التكنولوجيا وقتها مكنتش من اهتمام الناس او تقدره تقوله زى دلوقتى يعنى !!!؟؟؟ .... اصدقائى لما بقعد معاهم بحس انى غبى وانى بحلم بحجات مينفعش تتحقق يعنى مثلا ابسطها لو فكرت اروح اشتغل نقاش مثلا ( خصوصا انى اشتغلتها حوالى 3 سنين ) هلاقى نفسى بكسب فى اليوم ما يعادل 40 جنيه مثلا يعنى فى اسبوع هيكون معايا 240 جنيه يعنى فى شهر هيكون معايا حوالى 1040 جنيه .. والله مبلغ لذيذ ويمكن تضرب معايا بعد شويه والاقى نفسى بمسك شغل والدنيا تكبر وافتح شركه صغيره واكبرها وفعلا حاجه حقيقيه ومضمونه ... فى اكتر من مجال لو دخلته هيبقى فى مكسب فيه ومستقبل فيه وعلى الاقل مش هيخلينى افكر فى البرمجه والتقنيه والتكنولوجيا وكل يوم اتعب نفسى واقعد اقرا فى مقالات واخبار علشان متفوتنيش حاجه واشوف الشركه ديه عملت ايه ومش عارف النظام ده تم تطوير فيه ايه والبرنامج ده نزل منه اصدار امنى ايه ( رغم انى بعشق كل ده ) .. انا مقولتش ان البرمجه والتكنولوجيا مبتكسبش بالعكس المبرمج وقته بفلوس يعنى البرنامج لما بيتعمل لشركه او غيره بيتحسب الوقت المستغرق فيه اد ايه وفكره البرنامج وقوته وهدفه ايه وبعديها بيتحسب سعره --- يعنى تقدره تقوله المبرمج بالميت بيكسب فى اليوم حوالى 800 جنيه لو عمله برنامج صغير ول حاجه مخدش يستعجب من اللى بقوله ويقول على كده اى مبرمج ممكن فى شهرين يبقى معاه عربيه ومتجوز والدنيا متظبطه معاه ... هو فعلا مكنش حد غلب بس الكلام ده بيحصل عند اليهود والغرب اكتر واحنا يمكن مبيحصلش الا لما المبرمج يكبر وينتج ويتعب عارفين ليه؟؟؟ ... علشان انا كرجل مسلم انهرده لازم مينفعش نهائى افكر اعمل انواع من البرامج ممكن تدخلى فوق ال5 الاف جنيه يوميا زى مثلا برنامج فتح المواقع الاباحيه والقنوات الاباحيه ( ده عرض اتعرض عليا زمان قبل كده ) انا مبقولش ان لازم علشان تكسب كويس يبقى تبيع مبادئك كمبرمج ولكن انا بقول ان سهل بره انك تنتج برامج وتكسب منها بسرعه اما عندنا مينفعش لان حوالى 40 فى الميه من نوعيات البرمجيات ممنوعه ليك كراجل مسلم وحوالى 30 فى الميه معندكش دعم من الحكومه كرجل مصرى وباقى النسبه تقدره تقسموها على شويه زهق وتعب من ظروفك الماديه وظروف البلد السياسيه وكلام اهلك المتكرر ليك والمعروف بجمله بتتقال لمبرمجين كتير لسه بيبتده حياتهم وعارفنها كويس وبتتقالهم من ناس كتير ومن اهلهم بالاخص ( يابنى سيب الكمبيوتر اللى واكل عقلك ده .. مش هيخليك تنفع وبعدين انت هتمثل عايز تقولى ان الكمبيوتر ده بيجيب فلوس ) والمشكله ان ناس كتير متعرفش ان الكمبيوتر ده فاتح دوله بحالها مش بيوت ناس زى ما بنقول فى مصر ... نفسى الناس تقرأ عن ايرادات الفيس بوك او بلاش الفيس بوك شوف كده اى مدونه فيها اعلانات واسأل ايرادتها كام؟؟؟ انا بقولك شوف ايرادها لانك هتلاقى مبالغ وهميه وهتستغرب جايه منين ولما هتسأل على الربح هتلاقى رغم انه يمكن يكون ربع الايرادات الا وانك هتلاقيه وهمى جدا ... الشركات المصريه بتقعد حوالى 10 سنين على الاقل علشان تكون شركه كبيره واقفه على رجليها سواء بقه شركه برمجيات او شركه مواسير سباكه ( لان كده كده الكل بيتساوى عند العرب فى الفكر مدام الفلوس موجوده ) اما بقه الشركه الاوروبيه مثلا او هنقول اللى خاصه بالغرب هتلاقى الشركه فى ظرف 3 سنين بقيت شركه راس مالها اكثر من مليون دولار وديه حقيقه فعلا .. تفتكره ليه علشان معندهمش معايير دينيه ول علشان معندهمش حلال وحرام ول علشان معندهمش عادتنا وتقاليدنا ؟؟؟؟؟؟؟ ايه الفرق بنا وبينهم ... اللى اعرفه ان لازم انهرده السنه اللى تمر عليا تطورنى فى حجات كتير جدا ولازم بدل ما فكر اكون موظف فى شركه ويبقى الموضوع خلص على كده واكمل حياتى زى اجدادى ما كانه بيعمله لازم افكر انى اكون صاحب شركه واطورها واخليها تنافس الشركات الاجنيه ... يمكن ده حلم هيخلينى اسرح بعيد جدا لحد ما قع فى يوم واقول ياريتنى كنت اشتغلت نقاش كان زمانى دلوقتى مشغل تحت ايدى ناقشين ومهندسين ديكور شغالين فى فنادق وقرى سياحيه وده اللى حاسس بيه خصوصا انى حاسس انى هفشل فى دراستى لانى زى ما كتير عارفين مش عايزها ومش حابب اكون فيها وبحاول اعدى منها ولما هعدى منها هحس ان مفيش تغيير لان فى الاخر هاخد شهاده ومش هشتغل بيها مش علشان مش هلاقى شغل لا علشان انا اصلا مش حابب اشتغل فى مجال دراستى .... ياريت اللى فكر انه يكون فى ظرف 5 سنين موظف بياخد 3 او 4 الاف جنيه لا ياريت يفكر انه فى ظرف خمس سنين يكون عنده شركه خاصه بيه وراس مالها مليون جنيه والله العظيم اكيد البلد ديه هتمشى ولونى مش مقتنع باللى بقوله بس هو الكلام بفلوس يعنى ...
مرحبا بك معنا ضيفا او عضوا عزيزا على منتدى اصحاب مدى الحياه. يمكنك المشاركة في المنتدى عن طريق تقديم المقالات والمواضيع المفيدة والردود البناءة. منتدى اصحاب مدى الحياه هو منتدى عربى مصري [ للحوار والنقاش ] و [ تبادل المعلومات والمعرفة والخبرات ] و [ معرفة الجديد والمفيد ] و [ الأخبار العامة والمنوعة ] ، عالم جديد من الترفيه والمتعة، هدفنا نشر الافاده ، « هذا المنتدى حوارى وليس لتحميل الاغاني والبرامج والافلام المسروقة » .منتدى اصحاب مدى الحياه من المنتديات التي تحترم حقوق الملكية الفكرية ولا تساهم في نشر اي محتوى مسروق، لذا اذا صادف ان واجهت اي موضوع او مشاركة تخرق حقوق الملكية الفكرية الخاصة بك انت شخصيا يرجى تبليغ الادارة عبر نموذج 
الاعلانات النصية لشبكة ومنتديات اصحاب مدى الحيـاه 
