اقتباس :

اندفع الشعب المصرى فى الانتخابات الماضية وراء التيار الدينى أملا وطمعا
فى صياغة جديدة لحياتة التى تعبت فيها صحته وهان أمره بين الأمم وضاعت أحلام عاشها طوال 30

مع احترامى ليك لكن على حد علمى ان مبارك بقى وحش من 2003 او بمعنى اصح لما ابنه جمال رجع مصر و بدا تلعب فى دماغه من ماماتة طبعاً مشروع التوريث دى حاجة

اقتباس :

عاما عاشها مع (الموكوس)مبارك لا حارب فيها ولايحزنون وظننا اننا سنفك حزام الفقر ونعيش الحرية

يعنى مبارك لو كان حارب كان يبقى كويس , هل هو غلط لما خلانا 30 سنة بدون حروب ؟
تعرف انها عمرها ما حصلت فى تاريخ مصر رئيس ييجى يحكم الفترة دى بدون حروب ده بحد ذاته انجاز يحسب ليه , انا مش معاه و عارف انه غلطان لكن الواحد يقول اللى ليه و اللى عليه

اقتباس :

كما يعيشها غيرنا من بنو البشر فى اوربا ومدغشقر وجمهورية بور سعيد الشقيقة

انا عارف و متاكد انه حوار احداث بورسعيد كان مخطط ليها و كان مخطط ان الاهلى يكسب و بالتالى جماهير بورسعيد تنزل و تقتلهم و يبقى المشكلة فى اهل بورسعيد و بالتالى تقول الكلمة اللى بتقولها و كده .. لكن سبحان الله القادر على كل شئ " اذا اراد شئ ان يقول له كن فيكون " (( انا مش اخوانى ولا سلفى على فكرة بسبب الكلمة اللى فاتت دى للتوضيح بس ))
المهم ربنا اراد ان المصرى البورسعيدى هو اللى يسكب و قلب الحالة و بالتالى لما مشجعين ينزلوا و يقتلوا و هما كسابين الاهلى بـ ا3 هداف مقابل هدف و جونهم اترقص مرتين ,, ساعتها العاقل مع احترامى للجميع طبعاً يعرف انها مدبرة و ان اهل بورسعيد ملهمش دعوة .. انا على فكرة من مدينة دمياط مات عندنا 4 و فى ناس بتقول 6 صغيرين كنت بقول كده زيك فى الاول و حبينا نقاطعهم مع انى بردو زملكاوى لكن اللى ماتوا مصريين يعنى فلما فكرت بهدوء قولت هما عايزين كده فليه يا شعب مصر نديهم الفرصة بكده ؟ ليه برأيك ؟

اقتباس :

يقوم
المجلس يشكل لجنه تمام زى بتاع العبارة اللى شكلها فتحى سرور جوز الأثنين
بدلا من قطع رقبة وزير الداخليه ورجاله(بالقانون)مش بالقبقاب وأهى لجنه
وتعدى

معاك فى كل ده لكن لو بتقرا قالوا انهم قبضوا على متهتيم مش كلهم طبعاً و الله اعلم لكن هيحولوهم للنيابة فنصبر شويا .. اما بقيت لجان تقصى الحقائق فانا اعتقد بوجهه نظرى المتواضعه ان هما منتظرين رقم معين من الحوادث اللى بتحصل و بيطلوع ليها لجنة تقصى حقائق و يعلنوها مرة واحدة يعنى غباء فى دى بدل ما يمتصوا غضب الشعب

اقتباس :

يموت
الشباب فى محمد محمود يشكل لجنه ووزارة الداخليه يشكل لجنه والله انا بخاف
من أم العيال لتشكل لجنه وتستولى على مصروفى الشخصى رغم انى سايب لها
مصروف البيت

بذمتك ليه الناس بتروح شارع ده و آخره امكان سيادية فى البلد ؟ يعنى لو سالت اى وزير داخلية فى اى بلد او حتى رجل آمن و قولت ليه لو شعب بلدك راحوا لزودارة الداخلية حتى لمجرد التظاهر و انتوا مش كنتوا رايحين بسبب كده و انت عارف بيكون فى عناصر موجودة معاكوا هتعمل مشاكل فليه نروح و منفضل فى الميدان افضل , و لو فى اى بلد تانية كانتوا هيضربوهم بالنار لكن هنا لو ضربوا خرطوش او غاز بقوا وحشين بامانة يعنى .. No CommenT

اقتباس :

والنهارده
الطامه الكبرى يعدل مادتين فى الاعلان الدستورى ويسيب اهم ماده وهيه
الماده 28 ليه مهمه لأنها الماده اللى بتقول(لايجوز الكطعن على قرارات لجنه
الانتخابات الرئاسيه)ببساطه يعنى الريس اللى احنا عايزينه حنجيبه حنجيبه
ومحدش يفتح بقه والماده دى كان عملها مبارك لأبنه راحوا نقلينها نقل نقل
مسطره يعنى ببساطه اكثر الرئيس اللى جاى طرطوربعمه والسؤال دلوقتى أمال
الثوره قامت ليه؟ والشباب ده مات ليه؟ طولت شويه اصلها حاجه تغيظ

ده بقى شئ يستاهل تعملوا مليونية عليه بامانة لكن معملتوش ولا حتى بتنادوا بكده يعنى بتنادوة على حاجات هيفة و الحاجات دى مش بتعملوا

خلاصة الكلام بقى معلش طولت انا ان شعب المصرى و العربى عامة عمره ما جرب الديموقراطية او الحرية و مش هينفع معاه الديموقراطية و ادينا عشنا سنة شفنا اللى حصل بعد موت قذافى فى ليبيا و بعد تنحى بن على فى تونس و بعد ما مشى مبارك فى مصر بسبب الجيش المصرى مش الثوار , لو بتسموا دى ديموقراطية يبقى انا عندى مبارك يرجع تانى على الاقل انا عندى بلدى تتسرق افضل بكتير جداً ان اهل بلدى يموتوا و معظمهم شباب حتى لو مش عارفين بيعملوا ايه و ماشيين تبع الموجة بس بردو .. علشان الشعب ده و العشوب العربية تعرف يعنى ايه ديموقراطية عايزة وقت و خاصة شباب التحرير مش بتوع 25 يناير طبعاً انما اللى بعد كده , لان الديموقراطية تعنى احترام القوانين من وجهه نظرى يعنى اعرف واجباتك و اعملها و بعدين تعالى اطلب حقوقك

---

آخر حاجة بقى بس بامانة انا مضايق منها اوى بالنسبة لحقوق الشهداء هى مصر اول مرة يموت ليها شهداء ؟ طبعاً لا !
طيب هى مصر اول مرة ناس تتصاب ليها ؟ طبعا لا !

اشمعنا بقى مضابين و شهداء اليومين دول تندفع مقابلهم فلوس يعنى هل الدم المصرى و الشهيد المصرى اصبح بـ 30 الف جنيه او حتى مليون جنية .. خسارة والله

zhegazy"
ياعزيزى أولا اشكرك على اهتمامك بالرد وواضح انك منظم ومرتب ولديك منطق ورؤيه خاصه احترمها واقدرها
واصدقك القول سعدت بها أيما سعادة وصدق حدسى فى الموقع منذ أن رأيته كما كتبت أنفا واسمح لى ان نتناقش بهدوء وروية
مع احترامى ليك لكن على حد علمى ان
مبارك بقى وحش من 2003 او بمعنى اصح لما ابنه جمال رجع مصر و بدا تلعب فى
دماغه من ماماتة طبعاً مشروع التوريث دى حاجة
ياعزيزى مبارك من أول يوم وحش وتحديدا بعد استقباله لكبار رجال مصر والذين اعتقلهم الرئيس الراحل امور السادات فى حملة سبتمرواليك بعض من اسمائهم:فؤاد سراج الدين.فتحى رضوان .محمد حسنين هيكل .الشيخ احمد المحلاوى .شاهنده مقلد.فريدة النقاش.حلمى مراد.نقيب محاميو مصر عبد العزيز الشوربجى.ميلاد حنا.حمدين صباحى.الشيخ كشك..مرشد الاخوان عمر التلمسانى وغيرهم 3 الاف معتقل فى ليله واحده .يومها ظننا ان هذا الرجل مختلف كما قلت انت وبعدها بأيام اعاد الكرة وسجن من سجن واخفى من اخفى وطبل الاعلام الحكومى الذى يصدقه البسطاء والطيبين من ابناء شعبنا الطيب ولقد فهمت قصدى على وجه اخر ياعزيزى انا اقصد انه لم يحارب طيله 30 عاما ان البلد فى حالة استقرار وماكان ينفق على الحروب كان من المفترض ان يعود على الشعب فى صورة خدمات ويرفع عنه المعاناه ولكن لم يحدث هذا ابدا بل العكس تزايد الفقراء وساكنى القبور والعشوائيات

انا عارف و متاكد انه حوار احداث بورسعيد
كان مخطط ليها و كان مخطط ان الاهلى يكسب و بالتالى جماهير بورسعيد تنزل و
تقتلهم و يبقى المشكلة فى اهل بورسعيد و بالتالى تقول الكلمة اللى بتقولها و
كده .. لكن سبحان الله القادر على كل شئ " اذا اراد شئ ان يقول له كن
فيكون " (( انا مش اخوانى ولا سلفى على فكرة بسبب الكلمة اللى فاتت دى
للتوضيح بس ))
المهم
ربنا اراد ان المصرى البورسعيدى هو اللى يسكب و قلب الحالة و بالتالى لما
مشجعين ينزلوا و يقتلوا و هما كسابين الاهلى بـ ا3 هداف مقابل هدف و جونهم
اترقص مرتين ,, ساعتها العاقل مع احترامى للجميع طبعاً يعرف انها مدبرة و
ان اهل بورسعيد ملهمش دعوة .. انا على فكرة من مدينة دمياط مات عندنا 4 و
فى ناس بتقول 6 صغيرين كنت بقول كده زيك فى الاول و حبينا نقاطعهم مع انى
بردو زملكاوى لكن اللى ماتوا مصريين يعنى فلما فكرت بهدوء قولت هما عايزين
كده فليه يا شعب مصر نديهم الفرصة بكده ؟ ليه برأيك ؟
فى هذه الجزئيه اتفق معك ولعلمك انا لا سلفى ولا اخوانى ولن اكون انا مصرى مسلم ليبرالى وعلاقتى بالله لا أسمح ان يتدخل فيها لا مرشد اخوان ولاشيخ سلفى إلا اذا احتجت الفتوى من عالم أزهرى أثق به وانا زملكاوى الهويه والهوى منذ مايزيد على 40 عاما اى زملكاوى كبير اما بخصوص الأهلى وجماهيره لاتعنينى ان كانت مؤامرة أو غيرها ما يعنينى أن هناك مكان مغلق وهو ملعب للكرة وبه جماهير ذهبت وراء فريقها تشجعه وتهتف له فقلت غدرا وبمنتهى السفاله والإنحطاط دع النيابه تسأل وتتهم من تشاء ولكن هناك مسؤليه سياسيه من اول وزير الداخليه الى رأس الحكم وهو المشير وكان يجب مسألتهم عن ذلك المجلس مش قادر يروح يستقيل يروح فى ستين داهيه لم يعد مقبولا ان يهان الشعب ويقتل ويعذب مره اخرى
بذمتك ليه الناس بتروح شارع ده و آخره
امكان سيادية فى البلد ؟ يعنى لو سالت اى وزير داخلية فى اى بلد او حتى رجل
آمن و قولت ليه لو شعب بلدك راحوا لزودارة الداخلية حتى لمجرد التظاهر و
انتوا مش كنتوا رايحين بسبب كده و انت عارف بيكون فى عناصر موجودة معاكوا
هتعمل مشاكل فليه نروح و منفضل فى الميدان افضل , و لو فى اى بلد تانية
كانتوا هيضربوهم بالنار لكن هنا لو ضربوا خرطوش او غاز بقوا وحشين بامانة
يعنى
طيب معاك للأخر الشباب راح ليه عشان الشباب ده مش شايف اى تغيير حصل ومن لم يمت فى شارع محمد محمود مات فى بور سعيد وشباب التراس تحديدا كان لهم دور عظيم فى الثورة خاصه يوم موقعة الجمل هم من تصدوا للبلطجيه على الكوبرى وكانوا دائما يبعدونا نحن العواجيز عن الاماكن الحساسة ويتصدون هم فى بسالة الرجال هؤلاء هم من سلبوا الداخليه برجالها سطوتهم وجبروتهم الداخليه تنفذ القانون نعم ولكن دون مهانه ودون فرض اتاوات على الناس وتعذيبهم هم يريدون العزة والكرامة فهل نكره ذلك
ده بقى شئ يستاهل تعملوا مليونية عليه
بامانة لكن معملتوش ولا حتى بتنادوا بكده يعنى بتنادوة على حاجات هيفة و
الحاجات دى مش بتعملوا

خلاصة الكلام بقى معلش
طولت انا ان شعب المصرى و العربى عامة عمره ما جرب الديموقراطية او الحرية و
مش هينفع معاه الديموقراطية و ادينا عشنا سنة شفنا اللى حصل بعد موت قذافى
فى ليبيا و بعد تنحى بن على فى تونس و بعد ما مشى مبارك فى مصر بسبب الجيش
المصرى مش الثوار , لو بتسموا دى ديموقراطية يبقى انا عندى مبارك يرجع
تانى على الاقل انا عندى بلدى تتسرق افضل بكتير جداً ان اهل بلدى يموتوا و
معظمهم شباب حتى لو مش عارفين بيعملوا ايه و ماشيين تبع الموجة بس بردو ..
علشان الشعب ده و العشوب العربية تعرف يعنى ايه ديموقراطية عايزة وقت و
خاصة شباب التحرير مش بتوع 25 يناير طبعاً انما اللى بعد كده , لان
الديموقراطية تعنى احترام القوانين من وجهه نظرى يعنى اعرف واجباتك و
اعملها و بعدين تعالى اطلب حقوقك

الشعب المصرى مش ذنبة انه مجربش الديموقراطية لأنه طول عمره محروم منها وكونك لاتثق فى انه لا يستحقها خطأكبير فنحن نستحقها وبجدارة ولا تنسى ان الموكوس مبارك واللى قبله واللى قبله حرمها على الشباب فى المدارس والجامعات فلم يربى عليها ناهيك عن سلوك الأباء السلطوى فى تربيه ابنائهم فى البيوت اوامر وبس دون نقاش وزى بتوع الكوره خد وهات نتفق ونختلف والدم المصرى لا يقدر بثمن ولكن لو كان هناك عقاب فورى للقاتل لأرتاح الناس ولايوجد فى الاسلام شىء من هذا يوجد دية فى حالة القتل الخطأ فقط اما مايحدث فهو مجرد مسكن حتى يفلت القاتل من العقاب
اخيرا سعدت بردك واستمتعت به تحياتى وتقديرى لشخصكم الكريم
جلال السعيد
(مصراوى افندى)

اقتباس :

ياعزيزى أولا اشكرك على اهتمامك بالرد وواضح انك منظم ومرتب ولديك منطق ورؤيه خاصه احترمها واقدرها
واصدقك القول سعدت بها أيما سعادة وصدق حدسى فى الموقع منذ أن رأيته كما كتبت أنفا واسمح لى ان نتناقش بهدوء وروية

شكــراً
ليك كلامك شرف ليا والله , و انا احب الكلام بنقاش و هدوء دون اى مشاكل و
فى الآخر هى مجرد اراء و ندعى ربنا مصر تخرج من الازمة دى على الخير بشعبها
و جيشها

اقتباس :

ياعزيزى مبارك من أول يوم وحش وتحديدا بعد استقباله
لكبار رجال مصر والذين اعتقلهم الرئيس الراحل امور السادات فى حملة
سبتمرواليك بعض من اسمائهم:فؤاد سراج الدين.فتحى رضوان .محمد حسنين هيكل
.الشيخ احمد المحلاوى .شاهنده مقلد.فريدة النقاش.حلمى مراد.نقيب محاميو مصر
عبد العزيز الشوربجى.ميلاد حنا.حمدين صباحى.الشيخ كشك..مرشد الاخوان عمر
التلمسانى وغيرهم 3 الاف معتقل فى ليله واحده .يومها ظننا ان هذا الرجل
مختلف كما قلت انت وبعدها بأيام اعاد الكرة وسجن من سجن واخفى من اخفى وطبل
الاعلام الحكومى الذى يصدقه البسطاء والطيبين من ابناء شعبنا الطيب ولقد
فهمت قصدى على وجه اخر ياعزيزى انا اقصد انه لم يحارب طيله 30 عاما ان
البلد فى حالة استقرار وماكان ينفق على الحروب كان من المفترض ان يعود على
الشعب فى صورة خدمات ويرفع عنه المعاناه ولكن لم يحدث هذا ابدا بل العكس
تزايد الفقراء وساكنى القبور والعشوائيات

معاك فى كل
شئ قولته , و كنت عارف النظام اللى وضعه و الكلام اللى قاله وكل رئيس كده
.. لكن نعقلها و نتوكل هو من وجهه نظرى معظم المعارضة بشكل عام بتتودد
للرئيس بطريقة او بآخرى , و احيانا يحدث الانقلاب اما منهم او منه انا
بصراحة معرفش تفاصيل الحدث بظبط علشان اقدر اتكلم معاك فيه لكن ان شاء الله
هقرا عنه و يبقى لينا حوار آخر بخصوصه ان شاء الله ..

اقتباس :

طيب معاك للأخر الشباب راح ليه عشان الشباب ده مش
شايف اى تغيير حصل ومن لم يمت فى شارع محمد محمود مات فى بور سعيد وشباب
التراس تحديدا كان لهم دور عظيم فى الثورة خاصه يوم موقعة الجمل هم من
تصدوا للبلطجيه على الكوبرى وكانوا دائما يبعدونا نحن العواجيز عن الاماكن
الحساسة ويتصدون هم فى بسالة الرجال هؤلاء هم من سلبوا الداخليه برجالها
سطوتهم وجبروتهم الداخليه تنفذ القانون نعم ولكن دون مهانه ودون فرض اتاوات
على الناس وتعذيبهم هم يريدون العزة والكرامة فهل نكره ذلك

مع
كامل احترامى احب نرجع لاول الثورة خالص ايام الدعوات و كده اولاً انا لا
اعترف باللى حصل يوم 25 يناير انه ثورة او حتى انتفاضة و السبب هو الآتى
الكلام هيبقى كتير شويا معلش ^_^ المهم الثورة هى انك تنتفش على نظام فتقوم
بتغييره للافضل لكن نظام بلد و ليس نظام او كيان حكومى لان كيان لحكومى
تبقى انتفاضة و ليست ثورة .. و هو ما حدث فى مصر لكن بردو حسب وصف الفيلسوف
أرسطو قسم الثورة لشكلين و هم:-
1- التغيير الكامل من دستور لآخر
2- التعديل على دستور موجود
و
هو ما حدث تم التعديل على دستور موجود و من وجهه نظرى الثورة حتى تسمى ورة يجب ان تغير البلد تغييراً واضح و اصبحت بفضله البلد افضل و يتم التغيير فى كال المجالات و
اتمنى ان اكون قد وفقت فى توضيحى .. اما الانتفاضة فاعتقد كلنا شايفين ان
لم يسقط النظام بالكامل ولا اقصد بكلامى المجلس السعكرى و لكن هناك من يقود
مصر لخرابها و عمل وقيعة بين الشعب و الجيش و المجلس و بكل آسف نجح فى كده
و بالتالى هى ليست انتافضة
من وجهه نظرى هى غضب من ربنا سبحانه و تعالى
عليهم فارسل عباده الشباب لاسقاطهم فسقطوا , نرجع بقى لكلامى فى الاول فى
25 يناير كانت ناس نازلى عايزة 3 مطالب فقط
و هم معروفين طبعاً , لكن لما حصل ضرب من قوات الشرطة ليهم غضب شعب و تحول
الامر من مجرد مطالب تعديب بجانب استقالة الحكومة طبعاً الى (( الشعب يريد
اسقاط النظام )) و انا كنت متوقع ثورة بصراحة و انا مؤمن بمقولة ان
التاريخ يعيد نفسه خاصة انى ادرس تاريخ فانا فى كلية آثار سنة 4 عمرى 20
سنة و ايام حريق مجلس الشعب قولت فى ثورة قريب هتغيير البلد للافضل لكن
توقعتها فى عهد جمال و ليس مبارك ولا اعتقد ان هناك احد توقعها بصراحة
فسبحان الله و كنت اتمنى ان تكون ثورة فعلا لكم الحمد الله على كل شئ المهم تم تغيير المطالب بعد كده و زيادة عددهم و اصبحم معظمها
مطالب فئوية و تضايق لما تلاقى الشباب دول بيتكلموا باسم الشعب مثلا عايزين
البرداعى يمسك وزير و معظم الشعب مش راضى و فى هتفات الخاصه بيهم بيتكلموا
باسم الشعب ..! امر غريب فعلاً و مطالب الاول تكاد تكون اختفت و اصبحت
المطالب الرئيسية تسليم البلد لرئيس مدنى و انهاء حكم العسكر كما تقولوا و
هيكلة الشرطة , نرجع تانى لاحداث بورسعيد من وجهه نظرى دى مؤامرة ضد وزير
الداخلية نفسه لاسقاطة لانه شخصية محترمة و عمل شغل و ده امر غير مطلوب من
اعداء مصر و غيرهم ... نهائية كلامى انا كنت انتظر ثورة اخلاقية و اتمنى
ذلك لان التغغير هييجى من الشعب نفسه مش من الحكومة لان الحكومة تمثل الشعب
و هى من الشعب و بالتالى لو الشعب اتغير الحكومة غضب عنها هتتغير فبدل ما
نمل حملات عسكر كاذبون الى آخره .. نمل حملات توعية لاستعادة تقاليد
المصريين حملات نظافة و غيرها ... و بدل مليونات الثورة مستمرة و الاحتفال
بيها و غيرها نعمل مليونة دعم الاقتصاد المصرى او مليونة لتسديد جزء من
ديون مصر

اقتباس :

الشعب المصرى مش ذنبة انه
مجربش الديموقراطية لأنه طول عمره محروم منها وكونك لاتثق فى انه لا
يستحقها خطأكبير فنحن نستحقها وبجدارة ولا تنسى ان الموكوس مبارك واللى
قبله واللى قبله حرمها على الشباب فى المدارس والجامعات فلم يربى عليها
ناهيك عن سلوك الأباء السلطوى فى تربيه ابنائهم فى البيوت اوامر وبس دون
نقاش وزى بتوع الكوره خد وهات نتفق ونختلف

انا
مش بقول انه لا يستحقها , لكن بقول انه شعب لم يجربها على مدى تاريخة
الكبير و الحافل , فاما نعلمه معنى الديموقراطية الصحيحة ام لا , اما ما
يحدث مثلا الاخ النائب زياد هل دى ديموقراطية ان تشتم من هو اكبر منك ليس
مقام طبعاً لكن رتبة او سن ؟ هل دى تقاليد الشخصية المصرية ؟ و هناك امثله
كتير و خاصة من شباب 6 ابريل

اقتباس :

والدم المصرى لا يقدر بثمن ولكن
لو كان هناك عقاب فورى للقاتل لأرتاح الناس ولايوجد فى الاسلام شىء من هذا
يوجد دية فى حالة القتل الخطأ فقط اما مايحدث فهو مجرد مسكن حتى يفلت
القاتل من العقاب

حضرتك قولت الدية للقتل الخطا و
ما حدث ليس قتل خطاً و هم شهداء فمن باب اولى احتسباهم عن ربنا شهداء بدل
متاجرة بدمهم , اقتصاد مصر بيقع و شوف كام واحد مات شهيد من سنة كتير و
مطلوب دفع 30 الف ليهم كلهم ده غير المصابين ؟ فكان من باب اولى توفير
الاموال دى لمصر للخروج من ازمتها الحالية ولا ايه راى حضرتك ؟

اقتباس :

اخيرا سعدت بردك واستمتعت به تحياتى وتقديرى لشخصكم الكريم

انا الاسعد

زياد حجازى

الحبيب ..زياد حجازى
اولا تحياتى وتقديرى لإصرارك على رأيك الذى احترمه وإن اختلفت معه قليلا ولكنى سعيد بهدوءك
فى الحوار وسعيك الدؤوب لمعرفه تفاصيل ما يحد ث وذلك شىء بديع يبعث على الإحترام والتقدير
وأيا كان اختلافنا فى الرأى فذلك منطق الأشياء وطبيعة البشر
عموما ما نحلم به جميعا أت لا محاله وبأسرع مما نتخيل
تقبل تحياتى وعظيم تقديرى واسعدنى حوارك ورؤيتك

مصراوى افندى كتب:

الحبيب ..زياد حجازى
اولا تحياتى وتقديرى لإصرارك على رأيك الذى احترمه وإن اختلفت معه قليلا ولكنى سعيد بهدوءك
فى الحوار وسعيك الدؤوب لمعرفه تفاصيل ما يحد ث وذلك شىء بديع يبعث على الإحترام والتقدير
وأيا كان اختلافنا فى الرأى فذلك منطق الأشياء وطبيعة البشر
عموما ما نحلم به جميعا أت لا محاله وبأسرع مما نتخيل
تقبل تحياتى وعظيم تقديرى واسعدنى حوارك ورؤيتك

آمين ان شاء الله

شكــرا على موضوعك

Hopa ElneGm كتب:

ارى ان مصر تنحدر الى منحدر خطير
هناك مصير اسود في انتظارنا
اصبحت متشائم الى درجه لا استطيع اوصفها

لا بالعكس انا متفائل و متفائل جدا بس ما يحدث امر طبيعى

اصبر و اللى بيحصل ده خير ان شاء الله و تذكر قول الله تعالى
(( ان مع العسر يسرا ))
+
(( عسى ان تكرهوا شيئا وهو خير لكم وعسى ان تحبو شيئا وهو شر لكم ))

تحت القبه جهلاء تحت القبه منافقين تحت القبه فاسدين تحت القبه استغلاليين تحت القبه مكفرين
ربنا يرحمنا من القبه واللى تحتها