إيه الغل والحقد ده ياغلاوية
ياساتر يارب إيه الغل ده الشيخ راكب عربيه حلوه والدنيا حلوه معاه انتو مالكو بيه
حقودين وغلاويين ليه الشيخ شاطر ومعدى القناطر عايزينه يركب إيه حنطور يعنى الراجل عارف قيمته وعارف من أين تؤكل الكتف بس السؤال هوه الكتف ده فين بالضبط اكيد فى عين الجمل أصلى معرفش اصلا.. الراجل ربنا فتح عليه وبيقول بقين حلوين زى عم جابر أبو حسين لما كان بيقول فى السيرة الهلاليه مع شوية بهارات من زعيق وشخط ونطر وقطر ألا بالمناسبه عندكم بهارات؟ والكلام ده بيعجب الغلابه اللى زى حالاتى اللى مبيعرفوش سكه الجامع منين اصلى معرفش غير سكتين بس سكه السلامه وسكة الندامه والسكه الثالثه دى بتاع المجلس العسكرى ومش عاوز اعرفها خالص تبقوا تحقدوا على الراجل ليه صحيح الراجل لاشيخ ولا شخشيخه ده خريج اعلام ومش عارف لحد دلوقتى ايه العلاقة بين ده وده بس أكيد فيه علاقة بين جلابية الشيخ والجلابية بارتى بتاع ست الستات والبلح أمهات سعاد حسنى هيه كانت بتمثل افلام وهوه ساب الإعلام واشتغل بالدعوه وأنا ماليش دعوه بالعربيه ولا بالإنجليزيه أهم حاجه عندى الدقن أنا أركب دقن وألبس جلابيه وأروح السعوديه كام سنه وألبس الشبشب واحفظ كام حديث وكام خطبه وهابى وكام فتوى من بتوع بن باز وشيوخ الحجاز الله يحرقهم بجاز وارجع سلفى محترم وأفتح قناة وبعدها تيجى العربيه والمهلبيه والرز على ملوخيه بس على النعمه متكلوا منها أبدا يا غلاوية
22.02.12 8:02
مرحبا بك معنا ضيفا او عضوا عزيزا على منتدى اصحاب مدى الحياه. يمكنك المشاركة في المنتدى عن طريق تقديم المقالات والمواضيع المفيدة والردود البناءة. منتدى اصحاب مدى الحياه هو منتدى عربى مصري [ للحوار والنقاش ] و [ تبادل المعلومات والمعرفة والخبرات ] و [ معرفة الجديد والمفيد ] و [ الأخبار العامة والمنوعة ] ، عالم جديد من الترفيه والمتعة، هدفنا نشر الافاده ، « هذا المنتدى حوارى وليس لتحميل الاغاني والبرامج والافلام المسروقة » .منتدى اصحاب مدى الحياه من المنتديات التي تحترم حقوق الملكية الفكرية ولا تساهم في نشر اي محتوى مسروق، لذا اذا صادف ان واجهت اي موضوع او مشاركة تخرق حقوق الملكية الفكرية الخاصة بك انت شخصيا يرجى تبليغ الادارة عبر نموذج 
الاعلانات النصية لشبكة ومنتديات اصحاب مدى الحيـاه 
