بحب نفسى

بحب نفسى

بحبــــــــــك

لاء لاء

بحب نفسى

اه بعلو صوتى وبقول انا بحب نفسى
بحب نفسى عشان عارفاها مش هتأذينى

انما حبك انت على فين هيودينى؟
وبعد ما احبك يا ترى اخره حبى ليك ايه؟
والا الحب لحظه والباقى اغمى عنيا عليه؟

لاء معلش يبقى خلينى احب نفسى احسن
وبخوفى على نفسى اصونها وبحيائى اتحصن

ما هو مش بعد ما اسلم قلبى ليك
الاقى فى يوم وليله انا حمل عليك

لاء خلينا من اولها انت فى حالك وانا فى حالى
انا مش بتاعه صحوبيه وبكل حريه ديننا قالهالى

يا اما امشى فى طريق محرم
يا اما اخلى حيائى عنوانى

وانا من يوميها
قولت احترم قلبى وكل مشاعرى اغطيها

لحد اما لاقى واحد يقولى بكل حب
انا اللى ليا خبيتى كل مشاعرك وصونتيها

جتلك عشان اصونك وبكل فخر قيمك دى اعليها
عايزك تكونى حلالى ونعين بعضنا ع الطاعه ونرسيها
ويفضل ما بنا الحب مهما تطول سنين وايام نقضيها


انما انت ؟

جى تقولى ما خلاص يا اخت بقى عديها
مالها الصحوبيه خليكى اسبور وفكيها؟

والله ما عارفه اقول ايه لاخ كل ايامه مقضيها

ما بين ذنوب وخذاع وكدب بيعشها
ويعينى يدى فى وعود وعمره ما يوم ما يوفيها؟

فوقى يا اختى عمره فى يوم ما هيوفيها
وعمره ما هيصون فى يوم مشاعرك
عشان انتى عمرك ما صونتيها

ساعاتها متقوليش ده كداب خدعنى
قولى يا خساره
انا اللى كان لازم اصون نفسى واحميها

عشان كده بقولك

اوعى تقولى كلمه بحبك
لحد لا هيقدرها ولا يساويها

خليها جواكى لحد ما يجى زوج صالح
وفى قلبه حطيها

هيفضل يصونها ليوم ما ينتهى عمرك وعمره
ويقول دى زوجتى اللى عمرها ما قالت كلمه بحبك
الا لقلبى اللى صانها ووعدها يحفظها ويحميها


انا مش عارفه الموضوع ده يناسبه اي قسم
انا شايفه كان يناسب اقسام كتير لكن حطيته في العام
لو المراقب شايف ان الموضوع مش مناسب للقسم
ياريت ينقله

و

الموضوع م ن ق و ل